وزیراعلی سندھ کی ہدایت پر ضلع خیرپور میں ڈاکوئوں اور جرائم پیشہ عناصر کے خلاف بھرپور پولیس آپریشن ،12مغوی بازیاب

بدھ 14 مئی 2025 16:45

کراچی(اُردو پوائنٹ اخبارتازہ ترین - این این آئی۔ 14 مئی2025ء)وزیراعلی سندھ سید مراد علی شاہ کی ہدایت پر ضلع خیرپور میں ڈاکوئوں اور جرائم پیشہ عناصر کے خلاف بھرپور پولیس آپریشن کیا گیا۔ کامیاب کارروائی کے نتیجے میں پولیس نے 12 مغوی افراد کو بحفاظت بازیاب کرایا گیا ہے۔

(جاری ہے)

وزیراعلی سندھ نے اس موقع پر پولیس اور قانون نافذ کرنے والے اداروں کو ہدایت کی ہے کہ ڈکیتوں اور قانون شکن عناصر کے خلاف آپریشن بلا تعطل جاری رکھا جائے۔

وزیراعلی نے مزید کہا کہ عوام کی جان و مال کا تحفظ حکومت کی اولین ترجیح ہے، اور اس میں کوئی کوتاہی برداشت نہیں کی جائے گی۔ انہوں نے مزید کہا کہ حکومت سندھ قانون کی عملداری کو یقینی بنانے کے لیے ہر ممکن اقدامات کر رہی ہے۔ عوام سے اپیل کرتے ہوئے وزیراعلی سندھ نے کہا کہ مشکوک سرگرمیوں کی اطلاع فوری طور پر متعلقہ اداروں کو دیں۔