Live Updates

اختلافات ختم کر کے عمران خان کو رہا کیا جائے،بیرسٹر سیف

جمعرات 15 مئی 2025 23:17

پشاور (اُردو پوائنٹ اخبارتازہ ترین - این این آئی۔ 15 مئی2025ء)مشیر اطلاعات خیبر پختونخوا بیرسٹر محمد علی سیف نے مطالبہ کیا ہے کہ اندرونی اختلافات کو ختم کر کے بانی پی ٹی آئی کو رہا کیا جائے۔بیرسٹر محمد علی سیف نے میڈیا سے گفتگو کرتے ہوئے کہا کہ پاکستان نے بھارتی جارحیت کا منہ توڑ جواب دیا۔

(جاری ہے)

انہوںنے کہاکہ پاکستان ایک متحد قوم ہے، اب پاکستان کو سیاسی اتحاد کی ضرورت ہے،اندرونی اختلافات کو ختم کر کے بانی کو رہا کیا جائے۔مشیر اطلاعات کے پی کے نے کہا کہ وکلا کی فیس اور ضمانتی مچلکوں کے پیسے بھی وزیراعلیٰ نے اپنی جیب سے ادا کیے۔انہوں نے کہا کہ پنجاب حکومت پی ٹی آئی کارکنوں کے چالان جلد عدالت میں جمع کروائے،اسلام آباد میں احتجاج کے مقدمات کا ابھی تک سامنا کر رہے ہیں۔