ی*ٓئی جی پنجاب ڈاکٹر عثمان انور کی زیر صدارت سالانہ ترقیاتی پروگرام بارے جائزہ اجلاس

بدھ 14 مئی 2025 20:05

yالاہور (اُردو پوائنٹ اخبارتازہ ترین - آن لائن۔ 14 مئی2025ء) انسپکٹر جنرل پولیس پنجاب ڈاکٹر عثمان انور کی زیر صدارت سالانہ ترقیاتی پروگرام بارے جائزہ اجلاس سنٹرل پولیس آفس میں منعقد ہوا۔ اجلاس میں ایڈیشنل آئی جی ویلفیئر اینڈ فنانس عمران ارشد، ایڈیشنل آئی جی ٹریننگ طارق رستم چوہان اور ایم ڈی سیف سٹیز اتھارٹی محمد احسن یونس سمیت دیگر سینئر افسران موجود تھے۔

اے آئی جی ڈویلپمنٹ محمد عبداللہ لک نے ترقیاتی منصوبوں کی تکمیل کے لیے سپلیمنٹری گرانٹس کے استعمال بارے بریفنگ دی۔ آئی جی پنجاب نے جاری ترقیاتی منصوبوں کو 30 جون تک بہرصورت مکمل کرنے کا حکم دیتے ہوئے کہا کہ وزیر اعلیٰ پنجاب مریم نواز شریف کے محفوظ پنجاب ویژن کے تحت 40 شہروں میں سیف سٹیز کیمروں کا جال بچھایا جا چکا ہے۔

(جاری ہے)

پنجاب کی 96 نئی سمیت 144 تحصیلوں میں سیف سٹیز کے دائرہ کار کو وسعت دی جارہی ہے۔

اگلے سال تک پنجاب کی 7 ہزار یونین کونسلز میں سیف سٹیز منصوبہ مکمل کریں گے۔ آئی جی پنجاب نے سمارٹ پولیس سٹیشنز، سرحدی اور دریائی چیک پوسٹوں کا تعمیراتی کام مقررہ مدت میں مکمل کرنے کی ہدایت کی۔ پولیس ٹریننگ سنٹرز، پولیس لائنز میں بیرکس اور ہاسٹلز کی اپ گریڈیشن کے امور میں تیزی لائیں۔ ترجمان پنجاب پولیس نے بتایا کہ آر پی اوز، سی پی اوز اور ڈی پی اوز سمیت متعلقہ افسران نے ترقیاتی منصوبوں کو مقررہ مدت میں مکمل کروانے کی یقین دہانی کروائی۔ ایڈیشنل آئی جی ساؤتھ پنجاب، ایڈیشنل آئی جی سی ٹی ڈی، آر پی اوز، سی پی اوز، ڈی پی اوز سمیت سپیشل برانچ، ایس پی یو اور پی ایچ پی کے متعلقہ افسران نے بذریعہ ویڈیو لنک اجلاس میں شرکت کی۔