Live Updates

چوہدری لطیف اکبر کا شمار آزاد جموں وکشمیر کے سینئر پارلیمنٹرین میں ہوتا ہے،شگفتہ نورین کاظمی

جمعرات 15 مئی 2025 16:52

مظفرآباد (اُردو پوائنٹ اخبارتازہ ترین - این این آئی۔ 15 مئی2025ء)نائب صدر وممبر آرگنائزنگ کمیٹی پاکستان پیپلزپارٹی خواتین ونگ آزاد جموں وکشمیر شگفتہ نورین کاظمی نے کہا ہے کہ سپیکر اسمبلی چوہدری لطیف اکبر کی قیادت میں ریلی جیوے جیوے پاکستان مظفرآباد تا چکوٹھی ملی جوش وجذبے کے ساتھ اختتام پذیر ہوئی جو کہ خوش آئند ہے چوہدری لطیف اکبر کا شمار آزاد جموں وکشمیر کے سینئر پارلیمنٹرین میں ہوتا ہے وہ بھٹو خاندان کے ویژن کو لے کر آگے بڑھ رہے ہیں ریلی سے وزراء حکومت سید بازل علی نقوی اور سردار محمد جاوید ایوب کا خطاب بھی کیا۔

انھوں نے مزید کہا کہ پاک فوج ہماری سرحدوں کی محافظ ہے ہماری مسلح افواج پاکستان نے بھارت کو دندان شکن جواب دے کر دنیا کو واضح پیغام دیا کہ ہم کسی کے سامنے نا تو جھکنے والے ہیں اور نہ ہی ڈرنے والے ہیں۔

(جاری ہے)

ان کا مزید کہنا تھا کہ چیف آف آرمی سٹاف جنرل سید عاصم منیر کی قیادت میں مسلح افواج پاکستان دنیا کی نمبر ون فوج ہے ہمیں اپنی مسلح افواج پر فخر ہے اگر بھارت نے دوبارہ کوئی ایسا ایڈونچر کرنے کی کوشش کی تو بھارت کو ایسا کرارا جواب دیا جائے گا کہ اس کی آنے والی نسلیں ہماری مسلح افواج اور پاکستان کے نام سے بھی ڈریں گی پوری پاکستانی وکشمیری قوم مسلح افواج پاکستان کے ساتھ سیسہ پلائی دیوار کی طرح کھڑی ہے۔