تونسہ شریف، ٹریکٹر ٹرالی کی ٹکر سے رکشہ سوار 3بھائی جاں بحق

جمعرات 15 مئی 2025 21:05

تونسہ شریف (اُردو پوائنٹ اخبارتازہ ترین - این این آئی۔ 15 مئی2025ء)تیز رفتار ٹریکٹر ٹرالی کی ٹکر سے رکشہ سوار 3سگے بھائی جاں بحق ہوگئے۔افسوسناک حادثہ جہاز چوک کے قریب پیش آیا جہاں تیز رفتار ٹریکٹر ٹرالی نے رکشے کو بری طرح کچل ڈالا، حادثے میں رکشے میں سوار تینوں بھائی موقع پرم دم توڑ گئے۔

(جاری ہے)

حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق بھائیوں کی شناخت محمد ہاشم ، محمد صابر اور محمد عاصم کے ناموں سے ہوئی ، تعلق بستی جلو والی سے ہے۔آر پی او کیپٹن (ر)سجاد حسن خان نے افسوسناک حادثے کا نوٹس لیکر ڈی پی او ڈی جی خان سے رپورٹ طلب کرلی ہے ۔