Live Updates

بھارت کو اب بھی سکون نہیں آیا تو ایک بار پھر کوشش کرکے دیکھ لے‘ گورنر پنجاب

اللہ نے ہمیں بہت بڑی کامیابی دی، انڈیا کا غرور خاک میں مل گیا جن چیزوں پر انہیں مان تھا وہ ساری ٹھس ہو گئیں‘گفتگو

ہفتہ 17 مئی 2025 22:40

بھارت کو اب بھی سکون نہیں آیا تو ایک بار پھر کوشش کرکے دیکھ لے‘ گورنر ..

چکوال(اُردو پوائنٹ اخبارتازہ ترین - این این آئی۔ 17 مئی2025ء) گورنر پنجاب سردار سلیم حیدر نے کہاہے کہ بھارت کو اب بھی سکون نہیں آیا تو ایک بار پھر کوشش کرکے دیکھ لے۔گورنر پنجاب سردار سلیم حیدر نے میڈیا سے گفتگو کرتے ہوئے کہاکہ یوم تشکر تو بنتا ہے، اللہ پاک نے ہمیں بہت بڑی کامیابی دی ہے، انڈیا کا غرور خاک میں مل گیا جن چیزوں پر انہیں مان تھا وہ ساری ٹھس ہو گئیں۔

(جاری ہے)

سردار سلیم حیدر نے کہا کہ ہمارے صرف دو بچوں نے انڈیا میں گھس کے مارا، ان کو ناک آؤٹ کیا اور آؤٹ کلاس کیا، ان کا وزیر دفاع کہتا ہے جنگ ہو گی اب انکو جنگ ڈراؤنے خواب کی طرح نظر آتی رہے گی۔گورنر پنجاب نے مزید کہا کہ اب کی بار انڈیا کے سارے ٹکڑے ہو جائیں گے اور ان کا پنجاب بھی آزاد ہو گا، انڈیا کی شرارتیں اسی طرح چلتی رہیں تو ساری دنیا دیکھے گی کشمیر بھی آزاد ہو گا اور پنجاب بھی۔