اپریل میں کرنٹ اکاؤنٹ ایک کروڑ 20 لاکھ ڈالر سرپلس رہا،سٹیٹ بینک

اپریل میں ملکی برآمدات 2.61 ارب ، درآمدات 5.23 ارب ڈالر رہیں ،تجارتی خسارہ 2.62 ارب ڈالر رہا، مرکزی بینک

جمعہ 16 مئی 2025 19:09

کراچی(اُردو پوائنٹ اخبارتازہ ترین - این این آئی۔ 16 مئی2025ء)سٹیٹ بینک نے بتایاہے کہ اپریل میں کرنٹ اکاؤنٹ ایک کروڑ 20 لاکھ ڈالر سرپلس رہا۔سٹیٹ بینک کی جانب سے جاری اعداد وشمار کے مطابق اپریل میں ملکی برآمدات 2.61 ارب اور درآمدات 5.23 ارب ڈالر رہیں جبکہ تجارتی خسارہ 2.62 ارب ڈالر رہا۔

(جاری ہے)

جولائی سے اپریل تک ملکی برآمدات 27.27 ارب ڈالر اور درآمدات 48.61 ارب ڈالر رہیں جبکہ اپریل کی ورکرز ترسیلات 3.18 ارب ڈالر رہیں۔مرکزی بینک کے مطابق مالی سال کے ابتدائی 10ماہ کا تجارتی خسارہ 21.34 ارب ڈالر ، تجارت، خدمات اور آمدن کا خسارہ 30.96 ارب ڈالر اور 10 ماہ میں ورکرز ترسیلات 31.21 ارب ڈالر رہیں۔