رشوت کی ویڈیو وائرل ہونے پر چوکی انچارج سبزی منڈی اے ایس آئی محسن رضا گرفتار

ہفتہ 17 مئی 2025 21:11

فیصل آباد (اُردو پوائنٹ اخبارتازہ ترین - آن لائن۔ 17 مئی2025ء) محکمہ اینٹی کرپشن نے شہری سے 70ہزار روپے رشوت وصول کرنے کی ویڈیو وائرل ہونے پر چوکی انچارج سبزی منڈی اے ایس آئی محسن رضا کو گرفتار کر لیا۔

(جاری ہے)

آن لائن کے مطابق محلہ فتح آباد کے شعیب ثناء کی جانب سے ڈائریکٹر اینٹی کرپشن کو درخواست گزارتے ہوئے بتایا کہ اس نے تھانہ صدر میں ملزمان محسن رضا ولد اسلم کموکا وغیرہ کے خلاف مقدمہ درج کر دیا تو اس نے ملزمان کو فائدہ پہنچانے کیلئے مقامی ہوٹل میں 50ہزار روپے رشوت وصول کی اور ملزمان سے وائی فائی کیمرہ جو کہ وجہ تنازعہ تھا اسکو مال مقدمہ بنوانے کے لیے مزید رقم کا مطالبہ کیا اور کام نہ کئے۔

جس پر اس نے ڈی جی اینٹی کرپشن پنجاب سہیل ظفر چٹھہ کو اے ایس آئی محسن اقبال باجوہ کی رشوت وصول کرنے کی ویڈیو دکھائی تو اینٹی کرپشن حرکت میں آیا اور چوکی انچارج ASI محسن باجوہ کیخلا ف مقدمہ درج کر کے گرفتار کر لیا۔