راولپنڈی پولیس نے کریک ڈاؤن کرتے ہوئے 5 افراد کو گرفتار کر لیا

اتوار 18 مئی 2025 15:40

راولپنڈی (اُردو پوائنٹ اخبارتازہ ترین - اے پی پی۔ 18 مئی2025ء) راولپنڈی پولیس نے ناجائز اسلحہ رکھنے والوں کے خلاف کریک ڈاؤن کرتے ہوئے 5 افراد کو گرفتار کر لیا۔ ترجمان پولیس کے مطابق مختلف علاقوں میں کارروائیاں کرتے ہوئے اسلحہ معہ ایمونیشن برآمد کر لیا گیا ہے۔

(جاری ہے)

کارروائیاں تھانہ پیرودھائی، بنی، ٹیکسلا اور مندرہ کے علاقوں میں کی گئیں۔ گرفتار افراد کے خلاف الگ الگ مقدمات درج کر لیے گئے ہیں۔ برآمد کیے گئے اسلحے میں پستول اور مختلف اقسام کا ایمونیشن شامل ہے۔ ڈویژنل ایس پیز کا کہنا ہے کہ ہوائی فائرنگ اور ناجائز اسلحہ رکھنے والوں کے خلاف کارروائیاں بلا امتیاز جاری رکھی جائیں گی تاکہ شہریوں کو پرامن ماحول فراہم کیا جا سکے۔