سابق امریکی صدر جو بائیڈن میں پروسٹیٹ کینسر کی تشخیص

پیر 19 مئی 2025 08:40

واشنگٹن (اُردو پوائنٹ اخبارتازہ ترین - اے پی پی۔ 19 مئی2025ء) امریکہ کے سابق صدر جو بائیڈن میں پروسٹیٹ کینسر کی تشخیص ہوئی ہے۔ رائٹرز کے مطابق سابق امریکی صدر کے دفتر سے جاری بیان میں کہا گیا ہے کہ جو بائیڈن کو پروسٹیٹ کینسر کی تشخیص ہوئی ہے جو ان کی ہڈیوں تک پھیل گیا ہے۔

(جاری ہے)

82 سالہ جو بائیڈن کو پروسٹیٹ کینسر کی تشخیص اس وقت ہوئی تھی جب پیشاب سے متعلق کچھ علامات سامنے آنے کے بعد ڈاکٹر سے رابطہ کیا گیا۔ڈاکٹر نے چند متعلقہ ٹیسٹ کرانے کے بعد سابق صدر میں کینسر کی تصدیق کی۔سابق صدر کے دفتر نے مزید کہا کہ کینسر ہارمون سے حساس ہے جس کا مطلب ہے کہ اس کو علاج سے مینیج کیا جا سکتا ہے۔ بیان میں کہا گیا ہے کہ بائیڈن اور ان کا خاندان علاج کے آپشنز کا جائزہ لے رہے ہیں۔