Live Updates

انڈین پریمیئر لیگ ، چنائی سپر کنگز راجستھان رائلز کی ٹیموں کے درمیان 62واں میچ (کل )کھیلا جائے گا

پیر 19 مئی 2025 15:23

نئی دہلی (اُردو پوائنٹ اخبارتازہ ترین - اے پی پی۔ 19 مئی2025ء) بورڈ آف کنٹرول برائے کرکٹ ان انڈیا (بی سی سی آئی )کے زیراہتمام انڈین پریمیئر لیگ (آئی پی ایل) کا 18واں ایڈیشن بھارت میں جاری ہے جس میں شائقین کرکٹ کو انہتائی دلچسپ اور کانٹے دار مقابلے دیکھنے کو مل رہے ہیں،لیگ میں کل (منگل کو)مزید ایک میچ کھیلا جائے گا ۔لیگ کا 62واں میچ راجستھان رائلز اور چنائی سپر کنگز کی ٹیموں کے درمیان ارون جیٹلی سٹیڈیم، دہلی میں کھیلا جائے گا ۔

راجستھان رائلز کی ٹیم کو مایہ ناز وکٹ کیپر بلے باز سنجو سیمسن لیڈ کریں گے جبکہ چنائی سپر کنگز کو مایہ ناز وکٹ کیپر بلے باز مہندرا سنگھ دھونی لیڈ کریں گے ۔ راجستھان رائلز اور چنائی سپر کنگز کی ٹیمیں ناک آئوٹ رائونڈ کے لئے کوالیفائی نہیں کر پائی ہیں۔

(جاری ہے)

راجستھان رائلز اور چنائی سپر کنگز کی ٹیمیں 6،6 مساوی پوائنٹس کے ساتھ ٹیبل پر بالترتیب نویں اور دسویں نمبر پر موجود ہیں۔

لیگ کے 18ویں ایڈیشن میں شامل 10 ٹیموں کےدرمیان فائنل سمیت مجموعی طور پر74میچ کھیلے جائیں گے ۔لیگ میں کولکتہ نائٹ رائیڈرز کی ٹیم ٹائٹل کا دفاع کے لئے کوشاں ہے ۔ لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز ،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور ، سن رائزرز حیدر آباد اور لکھنؤ سپر جائنٹس شامل ہیں۔

واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا ۔آئی پی ایل کا فائنل میچ بھی کولکتہ میں 25 مئی کو شیڈول ہے۔