قصور موجودہ ملکی حالات کے پیش نظر محکمہ سول دیفنس میں رضاکاران کی بھرتی کا عمل جاری

پیر 19 مئی 2025 15:54

قصور (اُردو پوائنٹ اخبارتازہ ترین - اے پی پی۔ 19 مئی2025ء) موجودہ ملکی حالات کے پیش نظر محکمہ سول دیفنس میں رضاکاران کی بھرتی کا عمل جاری ہے۔ محکمہ سول ڈیفنس کی طرف سے جاری کردہ اشتہار کے مطابق تنظیم شہری دفاع جنگ یا ہنگامی حالات میں شہریوں کو بھرپور تحفظ فراہم کرتی ہے۔ رضا کاروں کو بھرتی کرکے ان کی فرسٹ ایڈ، فائر فائٹنگ اور ریسکیو کی تربیت دی جاتی ہے۔

جنگ یا ہنگامی حالات میں سرکاری اداروں کے ساتھ مل کر سول ڈیفنس رضاکار منظم انداز میں شہریوں کے تحفظ کے لیے کام کرتے ہیں۔

(جاری ہے)

عمران علی، ڈپٹی کمشنر /کنٹرولر سول ڈیفنس قصورکاکہنا ہے کہ حالیہ پاک بھارت کشیدگی میں تنظیم شہری دفاع کو رضاکاران کی اشد ضرورت ہے۔ محب وطن شہری جو تنظیم شہری دفاع کا حصہ بننا چاہتے ہیں وہ سول ڈیفنس آفس (03014154021)، ضلع کونسل ہال قصور(03014154021)‘ اسسٹنٹ کمشنر پتوکی آفس(03116536970)‘ اسسٹنٹ کمشنر چونیاں آفس(03072918621) اور اسسٹنٹ کمشنر کوٹ رادھاکشن آفس(03072918621)میں قائم کیمپوں پر اپنے شناختی کارڈ کی کاپی اور2 عدد فریش پاسپورٹ سائز تصاویرلے کر اپنا اندراج کروائیں۔

خواہش مند شہری مندرجہ بالا نمبر ز پر اپنا نام وپتہ، شناختی کارڈ نمبر اور موبائل نمبر لکھ کر واٹس ایپ پر بھی بھیج سکتے ہیں۔\378