کوہستان مالیاتی اسکینڈل، ملزمان کے اثاثے منجمد کرنے کا حکم

پیر 19 مئی 2025 17:45

پشاور(اُردو پوائنٹ اخبارتازہ ترین - این این آئی۔ 19 مئی2025ء)کوہستان مالیاتی اسکینڈل میں احتساب عدالت پشاور نے قومی احتساب بیورو (نیب) کی درخواست منظور کرتے ہوئے ملزمان کے اثاثے منجمد کرنے کا حکم دے دیا۔پشاور کی احتساب عدالت میں کوہستان مالیاتی اسکینڈل میں ملوث 2 ملزمان کے اثاثے منجمد کرنے کی نیب درخواستوں پر جج رجب علی نے سماعت کی۔

(جاری ہے)

عدالت نے نیب کی درخواستیں منظور کرتے ہوئے دونوں ملزمان کے اثاثے منجمد کرنے کا حکم دے دیا جبکہ نیب کے احکامات کی توثیق کردی۔

نیب پراسیکیوٹر نے کہا کہ ملزمان ممتاز خان اور محمد ریاض کوہستان مالی اسکینڈل میں ملوث ہیں، نیب کے پی کوہستان کے اربوں روپے کے مالیاتی اسکینڈل کی تحقیقات کر رہا ہے۔نیب پراسیکیوٹر نے کہا کہ ملزمان کے اثاثوں میں 7 لگڑری گاڑیاں اور اسلام آباد میں مختلف پراپرٹیز ہیں، ملزمان نے بینامی داروں کے نام پر اسلام آباد میں فارم ہاؤسز، رہائشی گھر اور فلیٹس بنائے ہیں۔