عوام کو بہتر ماحول فراہم کرنا ہے‘ گولڑہ اور مارگلہ اسٹیشن پر جدید طرز کے ریسٹورنٹ بنائے جائینگے،حنیف عباسی

پیر 19 مئی 2025 21:36

اسلام آباد(اُردو پوائنٹ اخبارتازہ ترین - آن لائن۔ 19 مئی2025ء) وفاقی وزیر برائے ریلوے محمد حنیف عباسی کا گولڑہ اور مارگلہ اسٹیشن کو تجدید کے حوالے سے اِہم اجلاس ہوا۔حنیف عباسی نے کہا کہ ہمارا مقصد عوام کو بہتر ماحول فراہم کرنا ہے۔ گولڑہ اور مارگلہ اسٹیشن پر جدید طرز کے ریسٹورنٹ بنائے جائینگے۔

(جاری ہے)

ریسٹورنٹس کی مینجمنٹ کے لیے آؤٹ سورسنگ کی جائے گی۔عوام جب چاہے وہاں آکر لطف اندوز ہو سکیں گے۔ انہوںنے کہا کہ جدید طرز کے الیکٹرک پولز لگائے جائیں گے ۔صاف ستھری اور آرام دہ بینچیز فراہم کیے جائیں گے۔ شام کے پور فضا ماحول میں عوام لطف اندوز ہونگے۔ آس پاس کے طلبہ و طالبات کے لیے جدید کیفی ٹیریا بنے گا۔ریلوے اسٹیشنز کو عوام دوست اور جدید بنانے کے لیے اقدامات جاری ہیں۔