ؑ5 اکتوبر احتجاج کیسز‘ اعظم سواتی سمیت مجموعی طور پر 31 ملزمان کیخلاف چالان عدالت میں پیش

پیر 19 مئی 2025 22:08

اسلام آباد(اُردو پوائنٹ اخبارتازہ ترین - آن لائن۔ 19 مئی2025ء)اسلام آباد کی انسداد دہشت گردی کی عدالت میں پی ٹی آئی کارکنان اور رہنماؤں کے خلاف 5 اکتوبر کے احتجاج کے 3 مقدمات میں پراسیکیوشن نے چالان پیش کر دیا۔انسداد دہشت گردی کی عدالت کے جج طاہر عباس سِپرا نے کیسز پر سماعت کی۔ عدالت نے غیر حاضر ملزمان کو ایک بار پھر طلبی کے نوٹس جاری کر دیے۔

دورانِ سماعت اعظم سواتی سمیت مجموعی طور پر 31 ملزمان کی حد تک چالان پیش کیا گیا۔

(جاری ہے)

جج طاہر عباس سِپرا نے کہا کہ تفتیشی افسر سے پوچھوں گا کہ بانی پی ٹی آئی سمیت دیگر ملزمان کا چالان کیوں نہیں آیا ابھی وارنٹ جاری نہیں کر رہا بس نوٹس کر رہا ہوں، اعظم سواتی کو کہیں وہ آج آکر اپنی حاضری لگوائیں۔عدالت نے تھانہ بارہ کہو کے مقدمے کی سماعت 13 جون تک ملتوی کر دی۔واضح رہے کہ پی ٹی آئی رہنماؤں اور کارکنان کے خلاف تھانہ آبپارہ، سنگجانی اور دیگر میں مقدمات درج ہیں، جن میں بانی پی ٹی آئی، عمر ایوب، سمیت دیگر پی ٹی آئی قیادت بھی مقدمات میں نامزد ہے۔