ڈیرغازی خان،گٹر کی صفائی کے دوران دم گھٹنے سے 2خاکروب ہلاک

پیر 19 مئی 2025 22:30

ڈیرغازی خان(اُردو پوائنٹ اخبارتازہ ترین - این این آئی۔ 19 مئی2025ء)ڈیرہ غازی خان میں گٹر کی صفائی کے دوران دم گھٹنے سے دو خاکروب ہلاک ہو گئے۔ریسکیو حکام کے مطابق خاکروب بغیر کسی حفاظتی اقدامات کے گٹر میں اترے تھے، گٹر میں گیس بھرنے کے باعث دونوں کی موت ہوگئی۔

(جاری ہے)

واقعہ جام پور روڈ پر نجی ہاؤسنگ سوسائٹی میں پیش آیا، خاکروبوں کی شناخت 26سالہ محمد آصف اور 30سالہ صابر حسین کے ناموں سے ہوئی ہے۔ریسکیو حکام نے امدادی کارروائیوں کے بعد دونوں خاکروبوں کی لاشوں کو نکال کر ٹیچنگ ہسپتال منتقل کردیا۔