اساتذہ کی غیر حاضری کسی صورت برداشت نہیں کریں گے،ڈی سی مستونگ

کوئٹہ (اُردو پوائنٹ اخبارتازہ ترین - اے پی پی۔ 20 مئی2025ء) ڈپٹی کمشنر مستونگ راجہ عطر عباس کی زیر صدارت ڈسٹرکٹ ایجوکیشن گروپ کا اعلی سطحی اجلاس منعقد ہوا۔ اجلاس میں ایڈیشنل ڈپٹی کمشنر جنرل محمد افضل سرپرہ ، ڈسٹرکٹ ایجوکیشن آفیسر، ڈسٹرکٹ ہیلتھ آفیسر ، ڈسٹرکٹ خزانہ آفیسر، ڈسٹرکٹ آفیسر ایجوکیشن میل و فیمیل ڈپٹی ڈسٹرکٹ ایجوکیشن (میل و فیمیل ) پرنسپل ایلیمنٹری کالج مستونگ، ڈسٹرکٹ اکاؤنٹس آفیسر مستونگ اسسٹنٹ کمشنر مستونگ، اسسٹنٹ کمشنر کردگاپ، اسسٹنٹ کمشنر دشت سوشل ویلفیئر آفیسر مستونگ ڈسٹرکٹ کوآرڈینیٹر مانیٹرنگ آر ٹی ایس ایم ڈسٹرکٹ ٹریننگ منیجر سی پی ڈی پائیٹ مستونگ ڈسٹرکٹ مینجر ای ایس پی یونیسف مستونگ اور دیگر میل و فیمیل فیلڈ افسران نے شرکت کی۔

ایجوکیشن گروپ اجلاس میں تعلیمی امور اساتذہ و طلبہ کے مسائل اور دیگر امور کا جائزہ لیا، جس میں سکولوں میں طلبہ کی حاضری کو یقینی بنانے اور دیگر امور کا تفصیلی جائزہ لیا ۔

(جاری ہے)

فیلڈافسران اور آر ٹی ایس ایم کی رپورٹس بھی پیش کی گئیں۔ اجلاس میں ڈپٹی کمشنر نے ضلع بھر میں تعلیم کے حوالے سے مجموعی صورتحال کا جائزہ لیا اور گروپ اجلاس میں محکمہ تعلیم کے افسران اور فیلڈ افسران نے اپنے سابقہ رپورٹس اور امور سے متعلق تفصیلی رپورٹس پیش کیں اور اس رپورٹس کی رو سے آئندہ کا لائحہ عمل بھی زیر غور لائے گئے۔

ایجوکیشن گروپ اجلاس سے ڈپٹی کمشنر مستونگ راجہ عطر عباس نے خطاب کرتے ہوئے کہا کہ تعلیمی معیار کی بہتری کے لئے ہم سب کو مل کر اقدامات اٹھانا ہے، اساتذہ کی غیر حاضری کسی صورت برداشت نہیں کریں گے تعلیم سے ہمارے ملک و قوم کا مستقبل وابستہ ہے۔ انہوں نے کہا کہ تعلیم و صحت ہمارے دو اہم بنیادی شعبے ہیں اگر اساتذہ دیانتداری سے اپنی فرائض سرانجام نہیں دیں گے تو اس سے ہمارے مستقبل تاریک ہوں گے تعلیم سے ہی ہمارے مستقبل کی ترقی وابستہ ہے۔

انہوں نے کہا کہ موجودہ صدی کے چیلنجز کا مقابلہ معیاری تعلیم کے بغیر ممکن نہیں اساتذہ کی غیر حاضری پر کوئی سمجھوتہ نہیں ہوگا اگر کوئی ٹیچر یا کوئی تعلیمی افسران اپنی ذمہ داریوں سے غافل ہوگا تو ان کے خلاف بھر پور کارروائی ہوگی ۔انہوں نے کہا کہ اساتذہ اور محکمہ تعلیم کے ملازمین کے مسائل کو حل کرنا میری اولین ترجیح ہے لیکن ان کی بھی یہ ذمہ داری ہوتی ہے کہ ایمانداری فرض شناسی کا مظاہرہ کرے کیونکہ آنے والا دور مشکلات کا ہے اس کا مقابلہ جدید اور معیاری تعلیم ہی کے ذریعے ممکن ہیں۔

انہوں نے کہا کہ تعلیم کے معیار کو بہتر بنانے کے لیے ہم سب کو کردارادا کرنا ہوگا اور طلبہ کی تعلیم پر اپنی توجہ مرکوز رکھیں قوموں کی ترقی معیار ی تعلیم ہی کے ذریعے ہی ممکن ہے ۔گروپ اجلاس میں مختلف فیصلے کئے گئے۔