فرانس، برطانیہ اور کینیڈا جلد فلسطین کو تسلیم کریں گے،فرانسیسی وزیراعظم

برطانیہ، فرانس اور کینیڈا نے مل کر غزہ میں جاری حالات کی مخالفت کا فیصلہ کیا ہے،خطاب

بدھ 21 مئی 2025 11:05

پیرس (اُردو پوائنٹ اخبارتازہ ترین - این این آئی۔ 21 مئی2025ء)فرانسیسی وزیراعظم فرانسوا بایرو نے اعلان کیا ہے کہ فرانس، برطانیہ اور کینیڈا فلسطینی ریاست کو تسلیم کرنے کی جانب بڑھ رہے ہیں اور یہ اقدام اب نہیں رکے گا۔

(جاری ہے)

غیرملکی خبررساں ادارے کے مطابق انہوں نے فرانسیسی قومی اسمبلی سے خطاب کرتے ہوئے کہا کہ تاریخ میں پہلی مرتبہ تین بڑی طاقتوں برطانیہ، فرانس اور کینیڈا نے مل کر غزہ میں جاری حالات کی مخالفت کا فیصلہ کیا ہے اور وہ فلسطینی ریاست کو اجتماعی طور پر تسلیم کریں گے۔ انہوں نے مزید کہا: یہ اقدام جو شروع ہو چکا ہے، اب رکے گا نہیں بلکہ مکمل کیا جائے گا۔