Live Updates

خضدار میں سکول بس کو نشانہ بنانا انسانیت پر حملہ ہے، وزیراعلیٰ بلوچستان

بدھ 21 مئی 2025 15:06

کوئٹہ (اُردو پوائنٹ اخبارتازہ ترین - اے پی پی۔ 21 مئی2025ء) وزیراعلیٰ بلوچستان میر سرفرازبگٹی نے کہا ہے کہ خضدار میں سکول بس کو نشانہ بنانا انسانیت پر حملہ ہے، بھارت ریاستی پالیسی کے طور پر دہشتگردی کو فروغ دے رہا ہے۔

(جاری ہے)

بدھ کو اپنے بیان میں وزیراعلیٰ بلوچستان نے کہا کہ بھارت بلوچستان میں اپنے ایجنٹس کے ذریعے دہشت پھیلا رہا ہے،پاکستان کی جانب سے جارحیت کا منہ توڑ جواب دینے کے بعد بھارت اس طرح کے بزدلانہ حملے کر رہا ہے لیکن ہم بھارت کا مکروہ چہرہ دنیا کے سامنے بے نقاب کریں گے، وزیراعلیٰ بلوچستان میر سرفراز بگٹی نے کہا کہ دہشتگردی کے ہر مظہر کو جڑ سے اکھاڑ پھینکیں گے، پاکستانی قوم اورا فواج بھارتی سازشوں کے خلاف متحد ہیں۔

میر سرفراز بگٹی نے کہا کہ نرم اہداف پر حملے بھارت کی اخلاقی پستی ظاہر کرتے ہیں۔