لاہور،الحمرا میں کلچرل جرنلسٹس فائونڈیشن کے اہتمام تقریب،پاک فوج کو خراج تحسین پیش کیا گیا

لاہور (اُردو پوائنٹ اخبارتازہ ترین - اے پی پی۔ 22 مئی2025ء) کلچرل جرنلسٹس فائونڈیشن پاکستان کے زیر اہتمام لاہور آرٹس کونسل الحمرا کے تعاون سے پاک فوج کو خراج تحسین پیش کرنے کے لئے پروقار تقریب کا جمعرات کو انعقاد ہوا۔ترجمان الحمرا کےمطابق تقریب میں فلم،ٹی وی اور تھیٹر سے وابستہ شخصیات نے بھر پور شرکت کی۔پروگرام میں سینئر اداکار خالد عباس ڈار،فلم سٹار غلام محی الدین، فلم اسٹار ریشم،راشد محمود،حیدر سلطان راہی،شہزاد رفیق، صفدرملک،مسعودبٹ ،جراررضوی،اچھی خان،عمران احمد، ندیم چیمہ،سہیل ملک،حامد رنگیلا،شاہد خان،شکیل چن،شیخ عابدرشید، جاوید وڑائچ، سٹیج ڈائریکٹر ڈاکٹر اجمل ملک،محمدنورالحسن،صدر لاہور پریس کلب ارشد انصاری، صدر پی یو جے نعیم حنیف،سینئر صحافی شہباز چوہدری،امیر شوکت اور دیگر نے شرکت کی۔

(جاری ہے)

استاد حامد علی خان،انور رفیع،میلوڈی کوئین شاہدہ منی،گلوکارہ صومیہ خان،ثمن شیخ،نرمل شاہ،مون پرویز،عمران شوکت علی،احمد نواز،شارقہ راج اور ناصر بیراج نے پاک افواج کو ملی نغمے گا کر خراج تحسین پیش کیا۔پروگرام میں وطن عزیز کے لئے جانوں کانذرانہ دینے والے شہدا کے لئے حافظ اشفاق نے دعاکرائی۔فلم پروڈیوسر اسلم حسن اور ڈائریکٹر ندیم چیمہ کے بنائے ملی نغمے کو پسند کیا گیاجس میں فیلڈ مارشل عاصم منیر کی تقریر کے کچھ حصے بھی پیش کیے گئے۔

صدر لاہور پریس کلب ارشدانصاری، چیئرمین پی ایف پی اے شہزادرفیق، فلم سٹار غلام محی الدین،سینئر خالد عباس ڈار،پروڈیوسر صفدر ملک،ہدایتکار مسعود بٹ،اچھی خان اور فلم سٹار ریشم نے فن کا مظاہرہ کرنے والے گلوکاروں میں ایوارڈز تقسیم کئے۔خالدعباس ڈار نے اس موقع پر گفتگو کرتے ہوئے کہاکہ اس تقریب کے انعقاد پر الحمرا اور سی جے ایف پی کو مبارک باددیتاہوں۔

فلم سٹار ریشم نے کہاکہ جب نورخان بیس پرحملہ ہواتو پوری قوم کاجذبہ دیدنی تھا،میں نے ایسی بہادرقوم نہیں دیکھی،میں افواج پاکستان کوخراج تحسین پیش کرتی ہوں۔پاکستان فلم پروڈیوسرز ایسوسی ایشن کے چیئرمین شہزادرفیق،ہدایتکار مسعود بٹ اور فلم سٹار ریشم نے گلوکارانوررفیع حامدعلی خان،احمد نواز،محمد قربان پرنس،ریاض خان ماجدنواز،ثمن شیخ، نرمل شاہ کوایوارڈز دیے۔فلم پروڈیوسر صفدر ملک،خالد عباس ڈار، اچھی خان،نور الحسن اور حیدر سلطان راہی نے فلم سٹار ریشم کوایوارڈ دیا۔ فلم سٹار حیدر سلطان،ٹائیگر شاہ،خاور قاضی اور سی جے ایف پی کے صدر طاہر بخاری کو بھی ایوارڈ دیے گئے۔