ڈی ڈبلیو 
اسلام آباد (اُردو پوائنٹ ۔ DW اردو۔ 22 مئی 2025ء) غزہ پٹی کی سول ڈیفنس ایجنسی نے بتایا کہ جمعرات 22 مئی کی صبح سے جاری تازہ اسرائیلی حملوں میں آخری خبرین ملنے تک کم از کم 52 افراد مارے جا چکے تھے۔ ایجنسی کے ایک اہلکار محمد المغیر نے بتایا کہ اس دوران درجنوں افراد زخمی بھی ہوئے۔
غزہ کی صورت حال: یورپی یونین کی اسرائیل سے تجارتی تعلقات پر نظرثانی
فرانس فلسطینی ریاست کو تسلیم کرنے کے لیے پرعزم، وزیر خارجہ
غزہ کے بچوں کے سامنے ہر طرف سے فقط موت، یونیسیف
قبل ازیں اسرائیل نے شمالی غزہ میں مقامی باشندوں کو 14 علاقوں اور محلوں کو خالی کر دینے کے احکامات جاری کیے تھے۔
اسرائیلی فوج نے اس بارے میں جاری کردہ اپنے بیان میں کہا کہ مذکورہ علاقوں میں 'دہشت گرد تنظیمیں‘ سرگرم ہیں اور اسی لیے وہاں سخت کارروائی جاری ہے۔(جاری ہے)
حالیہ دنوں سے اسرائیل نے غزہ پٹی میں اپنی فوجی کارروائیاں دوبارہ شروع کر رکھی ہیں۔ غزہ پٹی کی وزارت صحت کے مطابق 18 مارچ سے اسرائیلی حملوں کے دوبارہ شروع ہونے کے بعد سے اب تک مزید 3,613 افراد ہلاک ہو چکے ہیں۔
یوں اس جنگ میں اب تک ہلاک ہونے والے فلسطینیوں کی مجموعی تعداد 53,762 تک پہنچ چکی ہے۔ ان میں بھاری اکثریت عام شہریوں، خواتین اور بچوں کی تھی۔دریں اثناء اسرائیلی وزیر اعظم بینجمن نیتن یاہو نے بدھ کی شب کہا کہ بیس اسرائیلی یرغمالیوں کے بارے میں یہ مانا جاتا ہے کہ وہ اب بھی زندہ اور حماس کی قید میں ہیں۔ ان کے مطابق اگر ان یرغمالیوں کی رہائی کے بدلے عارضی جنگ بندی کی گنجائش ہے، تو وہ اس پر بات چیت کے لیے تیار ہیں۔
عاصم سلیم اے ایف پی کے ساتھ
ادارت: کشور مصطفیٰ
آپریشن بنیان مرصوص سے متعلق تازہ ترین معلومات
