فوج کے انخلا کے بارے میں امریکا کے ساتھ کوئی بات چیت نہیں ہوئی، جنوبی کوریا

جمعہ 23 مئی 2025 12:33

سیئول(اُردو پوائنٹ اخبارتازہ ترین - این این آئی۔ 23 مئی2025ء)جنوبی کوریا نے کہا ہے کہ فوج کے انخلا کے بارے میں امریکہ کے ساتھ کوئی بات چیت نہیں ہوئی۔

(جاری ہے)

میڈیارپورٹس کے مطابق جنوبی کوریا کی وزارت دفاع نے جمعہ کو کہا کہ جزیرہ نما کوریا سے کچھ امریکی فوجیوں کے انخلا کے حوالے سے امریکا کے ساتھ کوئی بات چیت نہیں کی گئی ہے۔وزارت نے اس بیان کا اعلان امریکی میڈیا کی اس رپورٹ کے جواب میں کیا جس میں کہا گیا تھا کہ واشنگٹن جنوبی کوریا سے تقریبا 4500 فوجیوں کے انخلا پر غور کر رہا ہے۔