ضرورت پیش آئی تو ایران پرباربار حملے کریں گے، امریکی صدر

ان میڈیا اداروں کو معافی مانگنی چاہیے جنھوں نے امریکی حملوں کی شدت پرسوالات اٹھائے، گفتگو

منگل 22 جولائی 2025 18:02

ضرورت پیش آئی تو ایران پرباربار حملے کریں گے، امریکی صدر

وشنگٹن(اُردو پوائنٹ اخبارتازہ ترین - این این آئی۔ 22 جولائی2025ء)امریکی صدر ڈونلڈ ٹرمپ نے اعلان کیا ہے کہ اگر ضرورت پیش آئی تو وہ ایران کی جوہری تنصیبات پر بار بار حملے کرنے کے لیے تیار ہیں۔ امریکی حملوں سے ایران کے جوہری مقامات تباہ ہو چکے ہیں۔

(جاری ہے)

ٹرمپ نے منگل کے روز اپنے سوشل میڈیا پلیٹ فارم ٹروتھ سوشل پر لکھا وزیر خارجہ عباس عراقچی ایرانی جوہری تنصیبات کے بارے میں کہہ رہے ہیں کہ 'نقصان شدید ہے، سب کچھ تباہ ہو چکا ہی'.... یہی میں پہلے بھی کہہ چکا ہوں، اور اگر ضرورت پڑی تو ہم دوبارہ ایسا کریں گے۔ٹرمپ نے کہا کہ ایرانی جوہری پروگرام کو شدید نقصان پہنچا ہے، اور ان میڈیا اداروں کو معافی مانگنی چاہیے جنھوں نے امریکی حملوں کی شدت پر سوالات اٹھائے۔