سعودی عرب خواتین کی ترقی میں نمایاں تبدیلیاں دیکھ رہا ہے، گورنرٹوکیو

ہفتہ 24 مئی 2025 15:06

ریاض(اُردو پوائنٹ اخبارتازہ ترین - این این آئی۔ 24 مئی2025ء)ٹوکیو کی گورنر یوریکو کوئیکے نے کہا ہے کہ سعودی عرب میں خواتین کی ترقی کے سلسلے میں بہت اہم تبدیلیاں رونما ہوئی ہیں جو اس وقت نظر نہیں آتی تھیں جب وہ گزشتہ دوروں میں یہاں آئی تھیں۔

(جاری ہے)

عرب ٹی وی کے مطابق ریاض میں فورچون میگزین کی طرف سے منعقدہ اتنہائی طاقتور خواتین کی سمٹ سے خطاب کرتے ہوئے انہوں نے کہا کہ سعودی وژن 2030 نے اس ملک کو بدل کر رکھ دیا ہے اور اسے ہر ایک کے لیے آرام دہ بنا دیا ہے، خواہ وہ مرد، عورت، بچے ہوں یا معذور افراد۔انھوں نے فورچون پینل کو بتایا کہ ان کی ترجیح یہ ہے کہ خواتین کے خوابوں کی تکمیل ہو۔انھوں نے کہا کہ بچوں کا مفت علاج، ٹیوشن فیس اور سکول میں مفت کھانا دینا ان کے ایجنڈے میں سرِ فہرست ہے۔