لاہور، ڈیفنس اے سے خاتون کو کار سواروں نے اغواء کرلیا، مقدمہ درج

ہفتہ 24 مئی 2025 18:08

لاہور (اُردو پوائنٹ اخبارتازہ ترین - این این آئی۔ 24 مئی2025ء) لاہور کے علاقے ڈیفنس اے میں خاتون کو کار سواروں نے اغوا کرلیا، واقعے کی سی سی ٹی وی فوٹیج بھی سامنے آگئی۔

(جاری ہے)

لاہور کے علاقے ڈیفنس اے میں ایک خاتون کو کار سواروں نے جبری طور پر کار میں سوار کروایا اور ساتھ لے گئے، سی سی ٹی وی فوٹیج میں دیکھا جاسکتا ہے کہ 2ملزمان ایک خاتون کو زبردستی پکڑ کر کار میں ڈال رہے ہیں۔ملزمان خاتون کو اغوا کرکے موقع سے فرار ہوگئے، پولیس نے مغوی خاتون کے بھائی امین کی مدعیت میں مقدمہ درج کرلیا۔مدعی مقدمہ کے مطابق میری بہن کو سابق بہنوئی فیاض نے ساتھیوں کے ساتھ مل کر اغواء کیا ہے، مدعی مقدمہ کے مطابق بہن کو 6ماہ قبل طلاق ہوگئی تھی۔