وزیرصحت پنجاب خواجہ عمران نذیر کاآر ایچ سی گنڈا سنگھ والاکی نئی بلڈنگ اور انسدادِ پولیو مہم کا افتتاح

قصور(اُردو پوائنٹ اخبارتازہ ترین - این این آئی۔ 24 مئی2025ء) وزیراعلیٰ پنجاب مریم نواز شریف ہدایت پر صوبائی وزیر صحت پنجاب خواجہ عمران نذیر نے آر ایچ سی گنڈا سنگھ والاکی نئی بلڈنگ کا افتتاح کیا۔اس موقع پر ان کے ہمراہ ممبر صوبائی اسمبلی /چیئرمین وزیراعلیٰ ضلعی مانیٹرنگ کمیٹی حاجی نعیم صفدر انصاری ایم پی اے ملک احمد سعید خاں، ڈپٹی کمشنر قصور عمران علی، چیف ایگزیکٹوآفیسر ہیلتھ اتھارٹی قصور غلام مصطفی سحر، ایم ایس آر ایچ سی،ڈاکٹرز ودیگر افسران بھی موجود تھے۔

ہسپتال کے افتتاح کے موقع پر صوبائی وزیر صحت نے ہسپتال کے مختلف شعبہ جات فارمیسی،ہیلتھ کیئر سینٹر، نرسری، زنانہ وارڈ، مردانہ وارڈ،جنرل وارڈ آپریشن تھیٹر، فارمیسی میں ادویات کے سٹاک چیک کو چیک کرنے سمیت وہاںنپر مریضوں کو ملنے والی فری ادویات کی فراہمی کا جائزہ لیا۔

(جاری ہے)

اس موقع پر صوبائی وزیرصحت پنجاب خواجہ عمران نذیر نے کہا کہ وزیراعلیٰ پنجاب مریم نوازشریف کی ہدایات کے مطابق ہر جگہ اعلانات کروائے جائیںنکہ تمام سرکاری ہسپتالوں میں مریضوں کو ادویات بالکل مفت فراہم کی جائیں گی جو بھی سرکاری ہسپتالوںنمیںنادویات کی بابت رقم یا باہر سے لانے کا کہے تو اُس کے خلاف فوری شکایت کے اندراج پر قانونی کاروائی عمل میںلائی جائے۔

آپریشن تھیٹر کے وزٹ کے دوران ڈاکٹر ماریہ نے صوبائی وزیر کو بریفنگ دیتے ہوئے بتایا کہ وزیراعلیٰ پنجاب مریم نوازشریف، ڈپٹی کمشنر عمران علی اور ہیلتھ اتھارٹی قصور کی ہدایات پر رورل ہیلتھ سینٹرگنڈاسنگھ والامیںروزانہ کی بنیاد پر 50مریضوںنکو مفت طبی سہولیات فراہم کی جارہی ہیں۔ صوبائی وزیر نے سی ای او ہیلتھ قصور آفس کا بھی وزٹ جہاںنپر 20 ویکسینیٹرز کو بائیکس اور ہیلمٹ تقسیم کیے۔

اس موقع پر صوبائی وزیر صحت خواجہ عمران نزیر نے وزیراعلیٰ پنجاب کی اس سکیم کا افتتاح کرتے ہوئے لان میں خود بائیک چلائی اور سی ایم پنجاب کا شکریہ ادا کیا جنہوں نے ویکسینیٹرز کی سہولت کے لیے انہیں بائکس اور ہیلمٹ مہیا کیے۔بعد ازاں وزیر صحت نے بلھے شاہ ڈسٹرکٹ ہسپتال قصور کا دورہ کرکے وہاںنپر پر پولیو مہم کا افتتاح کیا۔ 26مئی سے شروع ہونے والی انسدادِ پولیو مہم میں پانچ سال سے کم عمر 7لاکھ 66ہزار 393بچوں کو پولیو کے قطرے پلائے جائیں گے۔

اس موقع پر صوبائی وزیرصحت کاکہنا تھا کہ پولیو ایک قومی فریضہ ہے جس میں غفلت قطعاً برداشت نہیں کی جائے گی۔ ضلع کو پولیو فری زون بنانے کے لیے کوئی بھی دقیقہ فروگزاشت نہیں کریں گے۔ تمام طبقات کے لوگ پولیو کے خاتمے میں اپنا قومی کردار ادا کریں۔ شہریوں کو ڈینگی، پولیو و دیگر مہلک بیماریوں سے مکمل بچائو کے لیے ممکنہ اقدامات اٹھانے میں کوئی کسر نہ چھوڑی جائے۔ انہوں نے والدین سے اپیل کی کہ وہ اپنے پانچ سال سے کم عمر تمام بچوں کو پولیو سے بچاطو کے قطرے ضرور پلوائیں۔ صوبائی وزیر نے ضلع بھر کے شہریوں پر زور دیا کہ پولیو ورکرز سے مکمل تعاون کریں اور ایک ذمہ دار اور محب وطن شہری ہونے کا ثبوت دیں تاکہ ہم اپنے بچوں کا مستقبل صحت مند اور محفوظ بنا سکیں۔