مہاراشٹر، فورسز نے چار مائو علیحدگی پسند ہلاک کر دیے

ہفتہ 24 مئی 2025 19:12

ممبئی (اُردو پوائنٹ اخبارتازہ ترین - این این آئی۔ 24 مئی2025ء) بھارتی ریاست مہاراشٹر کے ضلع گڈچرولی میں فوجیوں نے چار افراد کو ہلاک کر دیاہے ۔ فوج نے دعوی کیا ہے کہ یہ لوگ مائو علیحدگی پسندتھے۔کشمیرمیڈیاسروس کے مطابق پولیس حکام کا کہنا ہے کہ ان افراد کو دریائے اندراوتی کے قریب کاوندے گاؤں کے قریب فورسز کے ایک مشترکہ آپریشن کے دوران ہلاک کیا گیا۔

حکام نے مزید کہا کہ فورسز کو ان لوگوں کی علاقے میں موجودگی کی اطلاع ملی تھی جس کے بعد انکے خلاف آپریشن کیا گیا۔یاد رہے کہ ریاست چھتیس گڑھ میں بھارتی فورسز نے وزارت داخلہ کے حکم پر مائو علیحدگہ پسندوں کے خلاف آپریشن تیز کر دیا ہے ۔ دو روز قبل فورسز نے چھتیس گڑھ کے نارائن پور ضلع میں کمیونسٹ پارٹی آف انڈیا (ماؤسٹ) کے سربراہ نمبالا کیشو راؤ سمیت 27 مماؤنوازوں کو ہلاک کر دیا تھا۔

(جاری ہے)

بھارتی ذرائع ابلاغ کے مطابق فورسز نے رواں برس اب تک 190کے لگ بھگ مائو علحدگی پسند ہلاک کیے ہیں۔ گزشتہ برس آج کی ہلاکتوں کے ساتھ، اس سال بھارتی فورسز کے ہاتھوں ہلاک ہونے والے مشتبہ ماؤ نوازوں کی تعداد تقریباً 190 ہو گئی ہے۔ 2024 میں، 217 ماؤ علیحدہ پسند مارے گئے تھے۔ مائوبھارت کے علیحدہ کی جدوجہد کر رہے ہیں۔انسانی حقوق کی تنظیمیں مائو علیحدگی پسندوں کی ماورائے عدالت ہلاکتوں پر شدید تشویش کااظہار کررہے ہیں۔