چیئرمین پٹرولیم ڈیلرز ایسوسی ایشن نے پیٹرولیم ایکٹ میں مجوزہ ترمیم مسترد کر دی

سول بیورو کریسی کو لامحدود اختیارات دیے تو پیٹرول پمپس بند کر دیں گے، عبدالسمیع خان

ہفتہ 24 مئی 2025 20:10

اسلام آباد (اُردو پوائنٹ اخبارتازہ ترین - این این آئی۔ 24 مئی2025ء)چیئرمین پٹرولیم ڈیلرز ایسوسی ایشن نے پیٹرولیم ایکٹ میں مجوزہ ترمیم مسترد کر دی۔

(جاری ہے)

پیٹرولیم ڈیلرز ایسوسی ایشن کے چیئرمین عبدالسّمیع خان نے پریس کانفرنس میں حکومت کی جانب سے 90 سال پرانے پیٹرولیم ایکٹ 1934 میں مجوزہ ترمیم کو مسترد کرتے ہوئے کہا کہ ترمیم کے ذریعے اسسٹنٹ اور ڈپٹی کمشنرز کو غیر معمولی اختیارات دیے جا رہے ہیں، جس کے تحت وہ کسی بھی پیٹرول پمپ کو سیل کر سکیں گے۔

مزید برآں، مجوزہ قانون کے مطابق تحقیقات مکمل ہونے تک ڈیلر عدالت سے بھی رجوع نہیں کر سکے گا۔انہوںنے کہاکہ اگر سول بیوروکریسی کو لامحدود اختیارات دیئے گئے تو ملک بھر کے پیٹرول پمپس بند کر دیے جائیں گے۔انہوں نے بتایا کہ (آج) اتوارکواسلام آباد جا رہے ہیں جہاں وزیر پیٹرولیم سے ملاقات کا امکان ہے تاکہ اس معاملے پر بات چیت کی جا سکے، بیوروکریسی کو لامحدود اختیارات دینا کسی صورت قبول نہیں۔