روس اور یوکرین کے درمیان قیدیوں کا سب سے بڑا تبادلہ مکمل

ہزار کے بدلے ہزار کے فارمولے کے مطابق ایک، ہزار قیدیوں کا تبادلہ کیا ،روسی وزارت دفاع

پیر 26 مئی 2025 15:05

ماسکو(اُردو پوائنٹ اخبارتازہ ترین - این این آئی۔ 26 مئی2025ء)روسی وزارت دفاع نے اتوار کو کہا ہے کہ ماسکو اور کیف نے تین دن تک جاری رہنے والی جنگی قیدیوں کے تبادلے کی کارروائی مکمل کر لی ہے جس کے بعد دونوں فریقوں نے ہر طرف سے 303 قیدیوں کا تبادلہ کیا ہے۔میڈیارپورٹس کے مطابق وزارت نے مزید کہا کہ استنبول میں 16 مئی کو طے پانے والے روسی- یوکرینی معاہدوں کے مطابق 23 سے 25 مئی کے دوران روسی اور یوکرینی فریقوں نے ہزار کے بدلے ہزار کے فارمولے کے مطابق ایک، ہزار قیدیوں کا تبادلہ کیا ہے۔

وزارت نے کہا ہے کہ 303 مزید روسی فوجی کیف کے کنٹرول والے علاقے سے واپس آ گئے ہیں۔ اس کے بدلے میں یوکرینی افواج کے 303 جنگی قیدیوں کو حوالے کیا گیا ہے۔ روسی فوجی اس وقت جمہوریہ بیلاروس کے علاقے میں ہیں جہاں انہیں ضروری نفسیاتی اور طبی امداد مل رہی ہے۔

(جاری ہے)

وزارت نے اس بات کی تصدیق کی ہے کہ تمام روسی فوجیوں اور شہریوں کو روسی وزارت دفاع کے طبی اداروں میں علاج اور بحالی کے لیے روس منتقل کیا جائے گا۔

یوکرینی صدر کے دفتر کے سربراہ نے اعلان کیا کہ کیف نے قیدیوں کے بڑے تبادلے کے تیسرے مرحلے میں روس سے 303 قیدیوں کو واپس حاصل کر لیا ہے۔ اس سے قبل زیلنسکی نیٹیلی گرام" پر لکھا کہ آج ہماری مسلح افواج، نیشنل گارڈ، بارڈر گارڈ اور ریاستی خصوصی ٹرانسپورٹ سروس کے فوجی گھر واپس آ رہے ہیں۔