امریکی ووٹرز کی اکثریت نے اسرائیل کی جانب سے فلسطینیوں کے قتل عام کو نسل کٴْشی قرار دیدیا

جمعہ 29 اگست 2025 23:23

ْواشنگٹن (اُردو پوائنٹ اخبارتازہ ترین - این این آئی۔ 29 اگست2025ء)امریکا میں ووٹرز کی اکثریت نے غزہ میں اسرائیل کی جانب سے فلسطینیوں کے قتل عام کو نسل کٴْشی قرار دے دیا۔میڈیا رپورٹ کے مطابق امریکی یونیورسٹی کے سروے میں امریکا کے نصف ووٹرز نے کہا کہ انہیں یقین ہے کہ اسرائیل غزہ میں نسل کٴْشی کر رہا ہے،سروے میں10 میں سے 6 امریکی ووٹرز نے اسرائیل کو مزید امریکی اسلحہ بھیجنے کی بھی مخالفت کی۔

(جاری ہے)

سروے کے مطابق امریکی ووٹرز کی جانب سے اسرائیل کو اسلحہ دینے کی مخالفت میں گزشتہ 2 سالوں میں اضافہ ہوا ہے۔اس سے قبل گزشتہ دنوں امریکیوں کی اکثریت نے فلسطینی ریاست کے حق میں بھی رائے دی تھی۔اپسوس کے سروے میں 58 فیصد امریکیوں کا ماننا تھا کہ اقوام متحدہ کے تمام رکن ممالک کو فلسطین کو ایک ریاست کے طور پر تسلیم کرنا چاہیے۔سروے میں 33 فیصد نے اس سے اتفاق نہیں کیا جبکہ 9 فیصد نے کوئی رائے نہیں دی۔