مرکزی مسلم لیگ کراچی کی کے یو جے (دستور)کے نومنتخب عہدیداروں کو مبارکباد

پیر 26 مئی 2025 18:32

کراچی (اُردو پوائنٹ اخبارتازہ ترین - این این آئی۔ 26 مئی2025ء)پاکستان مرکزی مسلم لیگ کراچی کے صدر احمد ندیم اعوان نے کراچی یونین آف جرنلسٹس (دستور)کے حالیہ انتخابات میں کامیاب ہونے والے تمام نومنتخب عہدیداروں کو دلی مبارکباد پیش کی ہے۔

(جاری ہے)

اپنے جاری کردہ بیان میں انہوں نے نومنتخب صدر نصراللہ چوہدری، نائب صدور فاروق سمیع اور منصور احمد قریشی، سیکرٹری ریحان خان چشتی، جوائنٹ سیکرٹریز عبدالرحمن اور اطہر فاروقی، خازن زین علی، سیکرٹری اطلاعات اظفر وقاص عباسی اور گورننگ باڈی کے ارکان عبدالقادر منگریو، انعم رزاق، عارف حبیب، عطاالرحمن، جنید شاہ، خدیجہ راٹھور، شفقت عزیز بھٹی، ریحان حیدر اور صلاح الدین عباسی کے لیے نیک تمنائوں کا اظہار کیا ہے۔

احمد ندیم اعوان نے اپنے بیان میں کہا کہ صحافت اور میڈیا کارکنان نے ہمیشہ ملک میں اظہار رائے کی آزادی اور عوامی مسائل کے اجاگر کرنے میں کلیدی کردار ادا کیا ہے۔ہمیں یقین ہے کہ نومنتخب ذمہ داران بھی ماضی کی طرح صحافی برادری کو درپیش مسائل کے حل، ان کے حقوق کے تحفظ اور صحافتی آزادی کے فروغ کے لیے بھرپور انداز میں اپنا کردار ادا کریں گے ۔ مرکزی مسلم لیگ ہمیشہ آزادی صحافت اور صحافیوں کے حقوق کی حمایت کرتی رہے گی۔