فیض آباد کے قریب پولیس پر فائرنگ، اے ایس آئی شہید ، کانسٹیبل زخمی

فائرنگ کے بعد ملزمان موقع سے فرار ہوگئے، تلاش شروع کردی گئی

بدھ 28 مئی 2025 20:15

اسلام آباد (اُردو پوائنٹ اخبارتازہ ترین - این این آئی۔ 28 مئی2025ء)اسلام آباد میں نامعلوم ملزمان کی جانب سے فائرنگ کے نتیجے میں اے ایس آئی شہیدجبکہ ایک کانسٹیبل زخمی ہوگیا۔

(جاری ہے)

پولیس حکام کے مطابق اسلام آباد کے علاقے فیض آباد کے قریب نامعلوم ملزمان کی جانب سے پولیس اہلکاروں پر فائرنگ کا واقعہ پیش آیا جس کے نتیجے میں سی آئی اے اسلام آباد کے اے ایس آئی سدھیر عباسی شہید جبکہ کانسٹیبل جعفر شدید زخمی ہوگئے۔

واقعے کی اطلاع ملتے ہی تھانہ انڈسٹریل ایریا کی پولیس اور سیف سٹی حکام موقع پر پہنچ گئے۔زخمی کانسٹیبل جعفر کو فوری طور پر ہسپتال منتقل کر دیا گیا جہاں ان کا علاج جاری ہے۔پولیس ذرائع کے مطابق فائرنگ کے بعد ملزمان موقع سے فرار ہوگئے تاہم پولیس نے ان کی تلاش کیلئے سرچ آپریشن شروع کر دیا ہے۔