Live Updates

مسلم لیگ (ن) نے پاکستان کو ایٹمی قوت بنا کر تاریخ رقم کی، جاوید اختر انصاری

جمعرات 29 مئی 2025 00:50

ملتان (اُردو پوائنٹ اخبارتازہ ترین - اے پی پی۔ 29 مئی2025ء) مسلم لیگ (ن) نے پاکستان کو ایٹمی قوت بنا کر تاریخ رقم کی,28 مئی کو ہم نے دشمن کو واضح پیغام دیا کہ یہ ملک ایٹمی قوت ہے اور یہاں کے عوام متحد ہیں ،جنہیں زیر نہیں کیا جاسکتا۔ان خیالات کا اظہار مسلم لیگ (ن) کے رہنما،سابق مشیر وزیر اعلیٰ جاوید اختر انصاری نے یوم تکبیر کے موقع پر ملتان میں مںعقدہ تقریب سے خطاب کرتے ہوئے کیا۔

ان کا کہنا تھا کہ ہماری فوج نے دشمن کو بتا دیا کہ ملکی سلامتی اور وقار پر کوئی سمجھوتا نہیں کیا جائے گا۔ ہم ایٹمی قوت ہیں اور ہمارا دفاع بھی ناقابل تسخیر ہے۔

(جاری ہے)

جاوید اختر انصاری کا مزید کہنا تھا پوری قوم اس دن کی مناسبت سے پاک فوج کو خراجِ تحسین پیش کر رہی ہے جنہوں نے اس ملک کی خاطر اپنی جانیں قربان کیں ۔انہوں نے کہا کہ میں دشمن پر یہ واضح کر دینا چاہتا ہوں کہ اگر کسی نے ہمارے وطن کو میلی آنکھ سے دیکھنے کی کوشش کی تو قوم کا ہر ایک فرد اپنی ریاست اور فوج کے شانہ بشانہ کھڑا ہو گا۔

یوم تکبیر کے حوالے سے منعقدہ تقریب میں مسلم لیگ (ن) کے مقامی رہنماؤں ،کارکنوں اور شہریوں کی بڑی تعداد نے شرکت کی۔اس موقع پر 36 پاؤنڈ وزنی کیک کاٹا گیا۔آخر میں ملک و قوم کی سلامتی، ترقی اور خوشحالی کے لیے خصوصی دعا بھی کرائی گئی۔