Live Updates

عید الاضحٰی کی آمد؛ فیصل آباد مویشی منڈی کی رونقیں بحال

جمعرات 29 مئی 2025 13:43

مکوآنہ (اُردو پوائنٹ اخبارتازہ ترین - این این آئی۔ 29 مئی2025ء)عید الاضحٰی کی آمد کے ساتھ ہی فیصل آباد مویشی منڈی کی رونقیں بحال ہوگئیں۔ ملک بھر سے بیوپاری اپنے جانور بیچنے کے لئے فیصل آباد لے آئے۔ جس کے بعد فیصل آباد مویشی منڈی میں چہل پہل لگ گئی، لوگ اپنے پیاروں کے ساتھ قربانی کا جانور خریدنے پہنچ گئے۔

(جاری ہے)

بچے، بوڑھے اور نوجوان بڑی تعداد میں فیصل آباد مویشی منڈی میں موجود ہیں۔

سنت ابراہیمی کی ادائیگی کیلئے مویشی منڈی میں بیوپاریوں اور خریداروں میں بھاؤ تاؤ جاری ہے۔ ویسے تو فیصل آباد مویشی منڈی میں تمام جانور ہی اپنی مثال آپ ہیں، تاہم 30 لاکھ مالیت کا سفید رنگ کا بیل ’’منو‘‘خریداروں کی توجہ کا مرکز بنا ہوا ہے۔ اس کے علاوہ فیصل آباد مویشی منڈیوں میں کجلے چھترے،دیسی بکرے اور اونٹ موجود ہیں۔