Live Updates

رائے ونڈ مویشی منڈی میںسینکڑوں بیوپاری ہزاروں جانور لیکر پہنچ گئے ،گرمی ،مہنگائی کی وجہ سے خریداروں کی کمی

جمعہ 30 مئی 2025 13:29

رائے ونڈ (اُردو پوائنٹ اخبارتازہ ترین - این این آئی۔ 30 مئی2025ء)رائے ونڈ مویشی منڈی میںسینکڑوں بیوپاری ہزاروں جانور لیکر پہنچ گئے ،گرمی اور مہنگائی کی وجہ سے خریداروں کی کمی۔

(جاری ہے)

تفصیلات کے مطابق رائے ونڈ سندر روڈ پر قائم ہونیوالی عارضی مویشی منڈی میں بکرے ،چھترے ،بیل ،گائے بڑی تعداد میں بیوپاری حضرات لیکر پہنچے ہیں عید میں چند یوم باقی ہیں لیکن گاہکوں کا خریداری کی طرف رجحان نہ ہونے سے بیوپاری شدید پریشان نظر آرہے ہیں جنوبی پنجاب سے آنیوالے درجنوں بیوپاریوں نے میڈیا سے گفتگو کرتے ہوئے کہا ہے کہ ہم مہنگے داموں جانور خرید کر آئے ہیں لیکن گاہکوں کا منڈی کی طرف ابھی تک رجحان شروع نہیں ہوا سارا دن فارغ بیٹھے رہتے ہیں ،گاہک آتے ہیں قیمت پوچھ کر چلے جاتے ہیں ،متعدد گاہک وہ قیمت لگا رہے ہیں جو ہماری بھی خریداری نہیں ہے ،جانوروں کا خرچہ اور گرمی کی شدت سے نڈھال ہو چکے ہیں ،ایک بیوپاری نے کہا کہ جو جانور پچھلے سال ایک لاکھ روپے میں خریدا تھا اس بار وہ ڈیڑھ سے پونے دو لاکھ روپے میں خرید کر لائے ہیں لیکن منڈیوں میں سنا ٹا چھایا ہوا ہے ضلع لاہور کی تمام منڈیوں میں مندی کا رجحان ہے ہم شدید پریشان ہیں اگر یہی صورت حال رہی تو ہمیں بھاری نقصان برداشت کرنا پڑیگا ،دوسری جانب خریداری کیلئے آنیوالے گاہکوں کا کہنا ہے کہ مہنگائی کا بہانہ بنا کر بیوپاری حضرات لاکھوں روپے فی جانور نفع حاصل کرنے کے چکر میں ہیں ،پچھلے سال کی نسبت دوگنا سے بھی زیادہ قیمت لگائی جارہی ہے ،بجلی کے بھاری بھر کم بلوں نے پہلے ہی بجٹ متاثر کررکھا ہے اوپر سے جانوروں کی آسما ن سے چھوتی قیمتوں نے بھرکس نکال کر رکھ دیا ہے ،رائے ونڈ مویشی منڈی میں فی الحال مندی کا رجحان ہونے سے بیوپاری حضرات پریشان دکھائی دے رہے ہیں ۔