بوگیوں سے تانبے کی تار چوری کرنیوالے بین الصوبائی گروہ کے ملزمان گرفتار

ملزمان نے سکھر، ملتان اور لاہور ڈویژن میں متعدد وارداتوں کا اعتراف کرلیا ہے

جمعہ 30 مئی 2025 16:57

بوگیوں سے تانبے کی تار چوری کرنیوالے بین الصوبائی گروہ کے ملزمان گرفتار

کراچی(اُردو پوائنٹ اخبارتازہ ترین - این این آئی۔ 30 مئی2025ء) ٹرین کی بوگیوں سے تانبے کی تار چوری کرنیوالے بین الصوبائی گروہ کے 9 ملزمان کو گرفتار کرلیا گیا۔تفصیلات کے مطابق ریلویز پولیس سکھر ڈویژن نے ٹرین کی بوگیوں سے تانبے کی قیمتی تار کاٹ کر چوری کرنے والے بین الصوبائی گروہ کے 9 ملزمان کو گرفتار کرلیا۔

(جاری ہے)

ریلویز پولیس سکھر کے ہاتھوں گرفتار ملزمان نے سکھر، ملتان اور لاہور ڈویژن میں متعدد وارداتوں کا اعتراف کرلیا ہے اور ان کے قبضے سے چوری شدہ تار، کٹر اور آری وغیرہ برآمد کرلیے گئے ہیں۔

ترجمان کا کہنا ہے کہ گرفتار 2 ملزمان کا تعلق روہڑی، 2 گھوٹکی، 1 لیاقت پور، 2 ملتان، 2 کا لاہور سے ہے، ملزمان ملتان، سکھر،لاہور میں چوری کا مال کباڑیوں کو فروخت کرتے تھے، ملزمان کیخلاف مقدمہ درج کرکے تفتیش جاری ہے جبکہ ان کے دیگر ساتھیوں کو بھی جلد گرفتار کرلیا جائیگا۔