Live Updates

سمبڑیال ضمنی الیکشن میں پیپلز پارٹی کا کردار بیگانی شادی میں عبداللہ دیوانہ جیسا تھا‘خواجہ سعد رفیق

پی ٹی آئی نے سرکاری وسائل کے استعمال ،پکڑ دھکڑ یا دبائو کی کوئی فوٹیج ،کوئی واقعہ رپورٹ کیوں نہیں کیا

پیر 2 جون 2025 17:00

سمبڑیال ضمنی الیکشن میں پیپلز پارٹی کا کردار بیگانی شادی میں عبداللہ ..

لاہور (اُردو پوائنٹ اخبارتازہ ترین - این این آئی۔ 02 جون2025ء) پاکستان مسلم لیگ (ن) کے سینئر رہنما و سابق وفاقی وزیر خواجہ سعد رفیق نے کہا ہے کہ سمبڑیال ضمنی الیکشن میں پیپلز پارٹی کا کردار بیگانی شادی میں عبداللہ دیوانہ جیسا تھا،پی ٹی آئی نے سرکاری وسائل کے استعمال ،پکڑ دھکڑ یا دبائو کی کوئی فوٹیج ،کوئی واقعہ رپورٹ کیوں نہیں کیا ۔انہوںنے سوشل میڈیا پر جاری اپنے بیان میں کہا کہ میں نے سمبڑیال الیکشن کے آخری دن مرکزی انتخابی جلسہ سے خطاب کیا،عین اسی وقت پی ٹی آئی کا جلسہ عام بھی جاری تھا، میں نے پی ٹی آئی کا جلسہ گزرتے ہوئے اپنی آنکھوں سے دیکھا مسلم لیک (ن) کا جلسہ پی ٹی آئی کے جلسے سے کافی بڑا تھا ۔

میں نے دیکھا کہ سیالکوٹ موٹرے وے پر پی ٹی آئی کے کارکنان کو بڑی تعداد میں ملحقہ علاقوں سے جلسہ میں شرکت کے لئے سمبڑیال لایا جا رہا تھا ، کہیں کوئی رکاوٹ نہیں تھی،الیکشن کی دوپہرھی کو ووٹر کی چہل پہل سے واضح جو چکا تھا کہ الیکشن میں مسلم لیگ (ن) کا پلڑا بھاری ہے ۔

(جاری ہے)

خواجہ سعد رفیق نے کہا کہ ساری الیکشن مہم کے دوران سرکاری وسائل کے استعمال پکڑ دھکڑ یا دبائوکی کوئی فوٹیج ، کوئی واقعہ پی ٹی آئی نے رپورٹ کیوں نہیں کیا ، کیمرے والا موبائل فون اب ہر ہاتھ میں ہے ،اگر پی ٹی آئی کے پولنگ ایجنٹس کو باہر نکالا گیا ہے یا کوئی پولیس گردی ہوئی ہے تو اسکے فوٹیج کہاں ہے ۔

انہوں نے کہا کہ یہ نشست مسلم لیک (ن) نے چوتھی بار مسلسل جیتی ہے ، عوامی موڈ چند روز پہلے ہی واضح ہو چکا تھا ، جیت ہو یا ہار،باوقار انداز میں قبول کرنا چاہیے ۔