سکھر اور اسکے گرد نواح میں گرمی کی شدت میں اضافہ،سماجی تنظیم کی جانب سے ہیٹ اسٹروک کیمپ قائم

جمعہ 30 مئی 2025 17:15

سکھر (اُردو پوائنٹ اخبارتازہ ترین - این این آئی۔ 30 مئی2025ء)سکھر اور اسکے گرد نواح میں گرمی کی شدت میں اضافہ،سماجی تنظیم کی جانب سے ہیٹ اسٹروک کیمپ قائم،منتظمین کیمپ کی جانب سے شہریوں کو گرمی سے بچاؤ رکھنے کی اپیل تفصیلات کے مطابق ملک کے دیگر شہروں کی طرح سکھر اور اسکے گرد نواح کے مختلف علاقوں میں گرمی کی شدت میں اضافہ اور شہریوں کو ہیٹ اسٹروک سے بچانے کیلئے سکھر کی مختلف سماجی تنظیموںکی جانب سے شہریوں کو ہیٹ اسٹروک سے بچانے کیلئے ٹھنڈے پانی کی سبیلیں و دیگر نگداہشت کیمپ لگانے کا سلسلہ ہو گیا ہے ، اس سلسلے میں تحفظ سندھ آرگنائیزیشن سٹی سکھر کی جانب سے شہر کے مصروف ترین تجارتی و کاروباری علاقے گھنٹہ گھر چوک پر بڑھتی ہوئی گرمی کی شدت اور ہیٹ اسٹروک سے بچائوکیلئے شربت اور پانی کا کیمپ لگایا گیا اور شہریوں کو پانی و شربت پیش کیا گیا اس موقع پر منتظمین کی جانب سے شہریوں سے اپیل کی گئی وہ گرمی سے بچائو کیلئے احتیاطی تدابیر استعمال کریں۔