بابر اعظم سڑک پر مداحوں سے الجھ پڑے، ویڈیو وائرل

سوشل میڈیا پلیٹ فارم پر سابق کپتان کو نامناسب رویے پر شدید تنقید کا سامنا ہے

ذیشان مہتاب ہفتہ 31 مئی 2025 13:35

بابر اعظم سڑک پر مداحوں سے الجھ پڑے، ویڈیو وائرل

لاہور (اردو پوائنٹ تازہ ترین اخبار ۔ 31 مئی 2025ء ) قومی ٹیم کے سابق بابر اعظم بنگلادیش کیخلاف سیریز سے باہر ہونے کے بعد سڑک پر نوجوانوں سے لڑ پڑے۔

سماجی رابطے کی سائٹ ایکس (ٹوئٹر) پر ایک ویڈیو وائرل ہورہی ہے جس میں دیکھا جاسکتا ہے کہ بابر اعظم سڑک کے بیچ میں کچھ مداحوں کے ساتھ الجھ رہے ہیں۔

ویڈیو میں بابر اعظم کو مداحوں نے گھیرا ہوا ہے اور کرکٹر تلخ لہجے میں انہیں کچھ کہہ رہے ہیں تاہم ان کی آواز واضح نہیں کہ معاملہ کیا ہوا۔

بابر اعظم نے ایک مداح کو دھکا دیتے ہوئے بھیڑ سے نکلے اور اپنی گاڑی کی طرف جاتے دیکھائی دیے، یہ ویڈیو کلپ سوشل میڈیا پر وائرل ہورہا ہے جس پر انہیں کڑی تنقید کا نشانہ بنایا جارہا ہے۔

واضح رہے کہ دورہ نیوزی لینڈ میں بدترین پرفارمنس کے بعد بابر اعظم کو ٹی20 اسکواڈ سے ڈراپ کردیا گیا تھا جب کہ بنگلادیش کیخلاف ٹی20 سیریز میں انہیں موقع نہیں دیا گیا۔

(جاری ہے)

ادھر سابق ٹیسٹ کرکٹر کامران اکمل اور بابر اعظم کے والد اعظم صدیقی کے درمیان سوشل میڈیا پر تلخیاں بڑھ گئی ہیں، گزشتہ دنوں وکٹ کیپر بیٹر کی جانب سے دیے گئے بیان کے بعد کرکٹر کے والد نے نام لیے بغیر انہیں تنقید کا نشانہ بنایا تھا جس پر کامران اکمل نے انہیں اپنی حدود میں رہنے کا مشورہ دیا ہے۔