Live Updates

لاہور کی بارش، بابر اعظم اور نسیم شاہ پھر بچے بن گئے

سوشل میڈیا پلیٹ فارمز پر وائرل ہونے والی ویڈیو میں دونوں کھلاڑی بارش میں بچوں کی طرح کھیلتے نظر آ رہے ہیں

ذیشان مہتاب جمعہ 25 جولائی 2025 11:50

لاہور (اردو پوائنٹ تازہ ترین اخبار ۔ 25 جولائی 2025ء ) لاہور کی بارش نے فاسٹ بالر نسیم شاہ اور سابق کپتان بابر اعظم کو بھی بچہ بننے پر مجبور کر دیا۔

فوٹوز اینڈ ویڈیوز شیئرنگ پلیٹ فارم انسٹاگرام پر فاسٹ بالر نے اسٹوری شیئر کی، جو دیکھتے ہی دیکھتے وائرل ہوگئی۔

مختلف سوشل میڈیا پلیٹ فارمز پر وائرل ہونے والی ویڈیو میں دونوں کھلاڑی بارش میں بچوں کی طرح کھیلتے نظر آ رہے ہیں۔

(جاری ہے)

دونوں کھلاڑی بارش سے پچ کو محفوظ رکھنے کے لیے بچھائی گئی چادر پر پھسلنے کا مقابلہ کرتے دکھائی دے رہے ہیں۔

View this post on Instagram

سوشل میڈیا پر تیزی سے وائرل ہوتی اس ویڈیو کے کمنٹس میں صارفین دلچسپ تبصرے کر رہے ہیں اور دونوں کھلاڑیوں کی حوصلہ افزائی کرتے دکھائی دے رہے ہیں۔

شائقین امید کر رہے ہیں کہ دونوں کھلاڑی جلد بھر پور انداز میں ٹیم میں واپسی کریں گے۔