پی سی بی کا دورہ ویسٹ انڈیز کے لیے وائٹ بال سکواڈز کا اعلان، بابر اعظم کی واپسی

ون ڈے اسکواڈ میں حسن نواز واحد ان کیپڈ کھلاڑی ہیں

ذیشان مہتاب جمعہ 25 جولائی 2025 15:23

پی سی بی کا دورہ ویسٹ انڈیز کے لیے وائٹ بال سکواڈز کا اعلان، بابر اعظم ..

لاہور (اردو پوائنٹ تازہ ترین اخبار ۔ 25 جولائی 2025ء ) پاکستان کرکٹ بورڈ (پی سی بی) نے جمعہ کو دورہ ویسٹ انڈیز کے لیے وائٹ بال ٹیم کا اعلان کر دیا، جس میں تین ون ڈے اور تین ٹی ٹوئنٹی میچز ہوں گے۔

محمد رضوان ون ڈے ٹیم کی قیادت جاری رکھیں گے ، قومی سلیکشن کمیٹی نے تین میچوں کی سیریز کے لیے 16 رکنی اسکواڈ کا اعلان کیا ہے۔

ون ڈے 8، 10 اور 12 اگست کو ٹرینیڈاڈ اینڈ ٹوباگو کی برائن لارا کرکٹ اکیڈمی میں کھیلے جائیں گے۔

دائیں ہاتھ کے بلے باز حسن نواز ون ڈے اسکواڈ میں واحد ان کیپڈ کھلاڑی ہیں۔ اسٹار کھلاڑی بابر اعظم اور شاہین شاہ آفریدی کی بھی 50 اوور کے فارمیٹ میں واپسی ہوئی ہے۔

پاکستان اس دورے کا آغاز ویسٹ انڈیز کے خلاف تین میچوں کی T20I سیریز سے کرے گا، جو 31 جولائی، 2 اور 3 اگست کو سینٹرل بروورڈ پارک اینڈ بروورڈ کاؤنٹی اسٹیڈیم لاڈرہل، USA میں شیڈول ہے۔

(جاری ہے)

آل راؤنڈر سلمان علی آغا ٹی ٹوئنٹی ٹیم کی قیادت کریں گے۔ فاسٹ بولر حارث رؤف، حسن علی اور شاہین شاہ آفریدی پیس اٹیک کو مضبوط بنانے کے لیے واپس آئے۔

بنگلہ دیش میں اپنی تین میچوں کی T20I سیریز کے اختتام کے بعد ٹیم 27 جولائی بروز اتوار کو امریکہ پہنچنے والی ہے۔

پاکستان T20I سکواڈ (15 رکنی):

سلمان علی آغا (کپتان)، ابرار احمد، فہیم اشرف، فخر زمان، حارث رؤف، حسن علی، حسن نواز، حسین طلعت، خوشدل شاہ، محمد حارث (وکٹ)، محمد نواز، صاحبزادہ فرحان (وکٹ)، صائم ایوب، شاہین شاہ آفریدی، سفیان مقیم۔

پاکستان ون ڈے سکواڈ (16 رکنی):

محمد رضوان (کپتان)، سلمان علی آغا (نائب کپتان)، عبداللہ شفیق، ابرار احمد، بابر اعظم، فہیم اشرف، فخر زمان، حسن علی، حسن نواز، حسین طلعت، محمد حارث (وکٹ)، محمد نواز، نسیم شاہ، صائم ایوب، شاہین شاہ آفریدی، سفیان مقیم۔