چیئرمین پی سی بی نے ہوٹل رہائش، یوٹیلٹی الاؤنس کی مد مہم چار ماہ میں 41 لاکھ خرچ کر ڈالے

پی ایس ایل 9 میں مختلف میڈیا کمپنیوں سے سوا پانچ ارب کی ریکوری نہیں کی گئی

ذیشان مہتاب جمعہ 25 جولائی 2025 14:09

چیئرمین پی سی بی نے ہوٹل رہائش، یوٹیلٹی الاؤنس کی مد مہم چار ماہ میں ..

لاہور (اردو پوائنٹ تازہ ترین اخبار ۔ 25 جولائی 2025ء ) چیئرمین پی سی بی محسن نقوی نے سرینہ ہوٹل رہائش اور یوٹیلٹی الاؤنس کی مد مہم چار ماہ میں اکتالیس لاکھ خرچ کر ڈالے۔

نجی ٹی وی ’ہم نیوز‘ کے مطابق آڈٹ رپورٹ 2024-25ء میں انکشاف ہوا ہے کہ پی ایس ایل 9 میں پولیس کھانے پر 6.5 کروڑروپے خرچ ہوئے ، ڈائریکٹر میڈیا کی خلاف ضابطہ تقرری پر 80 لاکھ جب کہ تین ریجنل ایج گروپ کوچز کی خلاف ضابطہ تقریوں پر 54 لاکھ روپے خرچ ہوئے۔

(جاری ہے)

رپورٹ میں انکشاف ہوا ہے کہ اپرائیوٹ کمپنی کو ایک لاکھ بیس ہزار ڈالر کا خلاف ضابطہ ٹھیکہ دیا گیا۔ ایک ایمپائر کو 38 لاکھ کی میچ فیس زیادہ دی گئی۔ سوا دو کروڑ کے کوسٹرز کے کرایوں پر ضائع کیے گئے۔ مختلف کمپنیوں کو 19کروڑ کا خلاف ضابطہ ٹھیکہ دیا گیا۔ 40 لاکھ کی کرکٹ گراؤنڈ کو مشکوک پیمنٹ ہوئی۔ انٹرنیشنل فرم کو تین کروڑ کا خلاف ضابطہ ٹھیکہ دیا گیا۔

رپورٹ کے مطابق پی ایس ایل نائن میں مختلف میڈیا کمپنیوں سے سوا پانچ ارب کی ریکوری نہیں کی گئی۔

ترجمان پی سی بی کا کہنا ہے کہ پی سی بی اس رپورٹ پہ ابھی کمنٹ نہیں کرسکتا، رپورٹ پیش ہونے پر موقف دیا جائے گا۔