پی آئی اے کا عازمین حج کو سعودی عرب پہنچانے کیلئے قبل از حج آپریشن کامیابی سے اختتام پذیر

اتوار 1 جون 2025 19:20

اسلام آباد (اُردو پوائنٹ اخبارتازہ ترین - اے پی پی۔ 01 جون2025ء) عازمین حج کو سعودی عرب پہنچانے کے لئے پی آئی اے کا قبل از حج آپریشن کامیابی سے اختتام پذیر ہوگیا۔29 اپریل کو شروع ہونے والا یہ آپریشن 31 مئی کی رات تک جاری رہا۔

(جاری ہے)

اتوار کو یہاں جاری بیان کے مطابق ترجمان وزارت مذہبی امور نے بتایا کہ کل 147 حج پروازیں آپریٹ کی گئیں جس کے ذریعے سے 42 ہزار 4 سو حجاج کو حجاز مقدس پہنچایا گیا،ان پروازوں میں 35 ہزار سرکاری حجاج، 4 ہزار پرائیوٹ حجاج اور ملکی فضائی حدود کے دوران دیگر ائیرلائنز سے رہ جانے والے 3 ہزار سے زائد حجاج بھی شامل ہیں ۔

ترجمان نے کہا کہ پی آئی اے کی حج پروازوں کے شیڈول کی باقاعدگی کا تناسب 90 فیصد سے زائد رہا،پی آئی اے کے بعد از حج آپریشن کا آغاز انشاءاللہ 10 جون سے ہوگا۔