فیصل کریم کنڈی سے صوبہ بچاؤ احتجاجی مظاہرہ کے دوران زخمی ہونے والے بچے کی پیپلز پارٹی صوابی کے صدر علی خان کے ہمراہ ملاقات

اتوار 1 جون 2025 21:20

اسلام آباد (اُردو پوائنٹ اخبارتازہ ترین - اے پی پی۔ 01 جون2025ء) گورنر خیبرپختونخوا فیصل کریم کنڈی سے پشاور میں 26 مئی کے صوبہ بچاؤ احتجاجی مظاہرہ کے دوران زخمی ہونے والے بچے بہار علی نے پیپلز پارٹی صوابی کے صدر علی خان کے ہمراہ اسلام اباد میں ان کی رہائش گاہ پر ملاقات کی۔

(جاری ہے)

ملاقات میں گورنر خیبر پختونخوا نے صوبائی حکومت کی سرپرستی میں کئے گئے تشدد کا ڈٹ کر مقابلہ کرنے پر بہار علی کو خراج تحسین پیش کیا ۔انہوں نے اس موقع پر بہار علی کی خیریت دریافت کی اور کہا کہ جمہوریت اور پارٹی کیلئے جدوجہد کرنے والے بچوں پر ہمیں فخر ہے ۔ انہوں نے کہا کہ ورکروں کی قربانیوں سے پارٹی کو مقبولیت ملتی ہے اور پیپلز پارٹی ہمیشہ ورکروں کی قدر کرتی ہے۔