بھوک کے شکار فلسطینیوں نے اقوام متحدہ کے خوراک کے درجنوں ٹرکوں کو روک کر خالی کر دیا

پیر 2 جون 2025 09:00

اقوام متحدہ (اُردو پوائنٹ اخبارتازہ ترین - اے پی پی۔ 02 جون2025ء) اقوام متحدہ کے ادارہ برائے خوراک (ڈبلیو ایف پی) نے کہا ہے کہ غزہ میں بھوک کے شکار فلسطینیوں نے اقوام متحدہ کے امدادی خوراک کے درجنوں ٹرکوں کو روک کر خالی کر دیا۔اے پی نے ڈبلیو ایف پی کے حوالے سے بتایا کہ آٹے سمیت امدادی سامان کے 77 ٹرکوں کو بھوک کے شکار لوگوں نے روکا اور سامان لے کر چلے گئے۔

(جاری ہے)

اسرائیل کی تقریباً تین ماہ سے جاری ناکہ بندی فلسطینیوں کو قحط کے قریب لے آئی ہے، تاہم گزشتہ کچھ دنوں سے نرمی کی گئی ہے لیکن امدادی تنظیموں کا کہنا ہے کہ ابھی بھی زیادہ خوراک نہیں پہنچ رہی۔عالمی ادارہ خوراک کا کہنا ہے کہ غزہ میں خوراک کی امداد کے باوجود فاقہ کشی کا خدشہ زیادہ ہے،ہمیں لوگوں کی پریشانی کم کرنے اور اعتماد بحال کرنے کے لیے کچھ روز کے لیے زیادہ خوراک پہنچانے کی ضرورت ہے۔