بھارت، ممبئی ایئرپورٹ پر مسافر کے سامان سے درجنوں زہریلے سانپ برآمد

پیر 2 جون 2025 14:13

نئی دہلی (اُردو پوائنٹ اخبارتازہ ترین - اے پی پی۔ 02 جون2025ء) بھارت کے ممبئی ایئرپورٹ پر مسافر کے سامان سے درجنوں زہریلے سانپ برآمد کر لئے گئے۔ اردو نیوز کے مطابق کسٹم حکام نے کہا ہے کہ تھائی لینڈ سے آنے والے ایک مسافر کو ممبئی ایئر پورٹ پر روک کر اس کے سامان کی تلاشی لی گئی تو درجنوں سانپ برآمد ہوئے جن کو مختلف بیگز چھپایا گیا تھا۔

(جاری ہے)

انہوں نے کہا کہ ملزم کا تعلق بھارت سے ہے جسے حراست میں لے لیا گیا ہے۔

مسافر کے بارے میں مزید معلومات نہیں بتائی گئیں۔ سانپوں میں وائپر نسلے کے کچھ سانپ بھی شامل تھے جنہیں انتہائی زہریلا سمجھا جاتا ہے۔ مسافر کے سامان میں5ایشیائی نسل کے کچھوے بھی موجود تھے۔ پولیس نے برآمد ہونے والے سانپوں کی تصاویر جاری کی ہیں جن کو ایک بڑے برتن میں رینگتے ہوئے دیکھا جا سکتا ہے اور وہ مختلف رنگوں کے ہیں۔