Live Updates

عید الاضحی ٰپر صفائی کے مثالی انتظامات کئے جائیں گے،ویسٹ مینجمنٹ کمپنی سیالکوٹ

پیر 2 جون 2025 19:50

سیالکوٹ (اُردو پوائنٹ اخبارتازہ ترین - اے پی پی۔ 02 جون2025ء) چیف ایگزیکٹیو ویسٹ مینجمنٹ کمپنی سیالکوٹ کاشف نواز نے کہا ہے کہ عید الاضحی ٰپر صفائی کے مثالی انتظامات کئے جائیں گے۔ویسٹ مینجمنٹ کمپنی کے کنٹریکٹر کا عملہ گھر گھر آلائشوں کو اکٹھا کرکے محفوظ انداز میں ٹھکانے لگائے گا تاکہ ماحولیاتی آلودگی کو کنٹرول کیا جا سکے ۔ان خیالات کا اظہار چیف ایگزیکٹیو ویسٹ مینجمنٹ کمپنی کاشف نواز آفس میں عید الاضحی ٰکے حوالے سے منعقد اجلاس سے خطاب کرتے ہوئے کیا۔

انہوں نے عوام کو تاکید کریں کہ وہ عملہ صفائی سے تعاون کریں اور قربانی کے جانوروں کی آلائشوں، باقیات اور فضلہ جات کو ایس ڈبلیو ایم سی کے عملہ کے سپرد کریں ،عید کے تینوں ایام میں تمام افسران اور فیلڈ اسٹاف فیلڈ میں موجود رہیں گے۔

(جاری ہے)

کاشف نواز نے کہا کہ عید کی رات 12 بجے سے خصوصی صفائی آپریشن شروع کیا جائے گا۔ گھروں میں بائیو گریڈ ایبل ویسٹ بیگز تقسیم کیے جائیں گے۔

یونین کونسل اور گائوں کی سطح پر عارضی کولیکشن پوائنٹس بنائے جائیں گے۔ عید آپریشن کے لیے فاضل مشینری بھی حاصل کی جائے گی۔سیالکوٹ ویسٹ مینجمنٹ کمپنی کی جانب سے عوامی شکایات کے فوری ازالے کے لیے تحصیل ، ضلع اور ریجن سطح پر کنٹرول روم بنائے جائیں گے تاکہ عوام کو کوئی بھی پریشانی درپیش ہوتو فوراً ہیلپ لائن 1139 پر رابطہ کریں تاکہ اس کا فوری ازالہ کیا جا سکے۔