Live Updates

وفاقی وزیر ریلوے محمد حنیف عباسی سے سپیکر پنجاب اسمبلی ملک محمد احمد خان اور وزیر مملکت ملک رشید احمد خان کی ملاقات

جمعرات 5 جون 2025 22:22

اسلام آباد (اُردو پوائنٹ اخبارتازہ ترین - اے پی پی۔ 05 جون2025ء) وفاقی وزیر ریلوے محمد حنیف عباسی سے سپیکر پنجاب اسمبلی ملک محمد احمد خان اور وزیر مملکت ملک رشید احمد خان نے ان کے دفتر میں ملاقات کی۔فریقین نے موجودہ ملکی صورتحال اور مختلف شعبوں میں تعاون کو مزید مستحکم کرنے پر زور دیا۔

(جاری ہے)

وفاقی وزیر ریلوے محمد حنیف عباسی نے پنجاب کے ساتھ ریلوے کے شعبے میں تعاون بڑھانے کی اہمیت پر بات کی۔

ملاقات میں وفاقی حکومت اور پنجاب کے درمیان بہتر تعاون کے فروغ کے لیے مشترکہ اقدامات پر اتفاق کیا گیا۔وفاقی وزیر ریلوے نے خوراک کی فراہمی اور ریلوے کے ذریعے ترسیل کے نظام کی بہتری پر بات کی۔ حنیف عباسی نے کہا کہ پاکستان کے مختلف صوبوں کے ساتھ تعاون ملک کی ترقی کے لیے ضروری ہے اور اس سے ریلوے کے شعبے میں مزید بہتری لائی جا سکتی ہے۔