بکرا منڈی میں کانگو وائرس کی روک تھام اور جانوروں کی آمد و رفت کے حوالے سے یومیہ رپورٹ جاری کر دی گئی

پیر 2 جون 2025 19:50

کوئٹہ (اُردو پوائنٹ اخبارتازہ ترین - اے پی پی۔ 02 جون2025ء) عیدالاضحیٰ کے موقع پر ضلعی انتظامیہ کوئٹہ کی زیر نگرانی سب ڈویژن سریاب میں قائم ایسٹرن بائی پاس بکرا منڈی میں کانگو وائرس کی روک تھام اور جانوروں کی آمد و رفت کے حوالے سے یومیہ رپورٹ جاری کر دی گئی ہے۔

(جاری ہے)

اس سلسلے میں آج بکرا منڈی میں بھیڑ 2126،بکری 2317،گائے 459 اور 46 بھینس کل جانور 4984 لائے گئے ۔

اس موقع پر ضلعی انتظامیہ کی جانب سے اور محکمہ لائیو سٹاک کے تعاون سے کانگو وائرس سے بچاؤ کے لیے تمام ضروری اقدامات بروئے کار لائے جا رہے ہیں، جن میں سپرے، جانوروں کی سکریننگ اور صفائی کے خصوصی انتظامات شامل ہیں۔ عوام الناس سے گزارش ہے کہ ضلعی انتظامیہ کے ساتھ تعاون کریں اور محفوظ قربانی کے لیے احتیاطی تدابیر اختیار کریں۔