لاہور کے قریب موٹر وے کی حفاظتی باڑ کاٹنے والا ملزم گرفتار

منگل 3 جون 2025 15:50

لاہور (اُردو پوائنٹ اخبارتازہ ترین - این این آئی۔ 03 جون2025ء) موٹروے پولیس نے لاہور کے قریب حفاظتی باڑ کاٹنے والے ملزم کو گرفتار کر لیا۔ترجمان موٹروے پولیس کے مطابق موٹروے پولیس افسران نے دوران پٹرولنگ مشکوک شخص کو حفاظتی باڑ کاٹتے دیکھا۔

(جاری ہے)

پٹرولنگ افسران کے پہنچنے پر ملزم نے فرار ہونے کی کوشش کی، پٹرولنگ افسران نے تعاقب کرکے کوٹ عبدالمالک کے رہائشی ملزم علی رضا کو گرفتار کر لیا۔ملزم علی رضا کو مزید تفتیش کے لیے مقامی پولیس کے حوالے کر دیا گیا ۔